Меҳнат бозоридаги узлуксиз ўзгаришлар шароитида таълимга сармоя киритиш ҳар қачонгидан ҳам долзарб бўлиб қолди. Иш ўринлари учун шиддат билан ўсиб бораётган рақобат ёшлар олдига катта қийинчиликлар туғдиради ва тезкор қарор қабул қилишни, шунингдек, зарур билим ва кўникмаларга эга бўлишни талаб қилади. Бунда эса Тошкентдаги Британия менежмент университетининг (БМУ) Карьера ва саноат билан ҳамкорлик маркази беқиёс кўмакчидир.
Карьера ва саноат билан ҳамкорлик маркази ҳақида
Марказнинг вазифаси БМУ талабалари ва битирувчиларига ёрдам бериш, ривожланиш стратегиясини амалга ошириш ва иш қидиришда уларни қўллаб-қувватлаш, шунингдек, потенциал иш берувчилар билан муносабатларини ўрнатиш ва ривожлантиришдан иборат.
«Биз талабаларга тармоқ нетворкингни машқ қилиш, экспертлар билан боғланиш ва фойдали алоқаларни топишга ёрдам берамиз, жумладан, халқаро конференциялар ва бизнес тадбирларида, масалан, Makon Marketing Business Forum ва Халқаро реклама фестивалида иштирок этиш орқали. Талабаларимизнинг иши доимо ижобий баҳоланади ва биз бу амалиётни келажакда ҳам давом эттириб, уларга ўзини намоён қилишлари учун энг яхши имкониятларни тақдим этишни режалаштирганмиз», — деди марказ раҳбари Камола Азимова.
«Биз талабаларнинг лойиҳаларимиздаги фаол иштирокини доимо қўллаб-қувватлаймиз, бу эса бўлажак мутахассисларга замонавий маркетинг йўналишларини амалиётда ўрганиш ва соҳа етакчилари билан шахсан танишиш учун ажойиб имконият яратади. Бошқа томондан, ёшларнинг Ассоциация фаолиятидаги иштироки келажак учун яхши замин яратади ва узоқ йиллар давомида мамлакатимизда маркетингнинг давомийлиги ва ривожланишига умид қилиш имконини беради. БМУ талабаларининг Ўзбекистон маркетинг ассоциацияси тадбирларини ўтказишда фаол ёрдам берганликларини алоҳида таъкидлаб ўтмоқчиман», — деди Ўзбекистон Маркетинг ассоциацияси раҳбари Диёр Мирзааҳмедов.
Амалиёт ва волонтёрлик
Марказ университет талабаларига амалиёт ўташ ва ишга жойлашиш имкониятларини яратиб берувчи корхона ва ташкилотларнинг ҳамкорлик тармоғини доимий равишда кенгайтириб бормоқда. Бугунги кунда марказнинг ҳамкорлари қаторига Enter Engineering, CIPE, Search, АИКБ Ipak Yo‘li ва бошқа компаниялар киради. Бу рўйхат доимий равишда янгиланмоқда.
Ўқиш давридаги амалиёт талабаларга ўзлари танлаган соҳа бўйича амалий тажриба орттириш ва дастурнинг назарий қисмини тўлдириш имконини беради. Шу орқали «Бухгалтерия ҳисоби ва молия» ҳамда «Банк-молия» факультетлари талабалари турли банкларда амалиёт ўтамоқда.
«Банк жамоаси таълимни ривожлантиришнинг фаол иштирокчиси эканидан фахрланади ва Ўзбекистонда ёшларни қўллаб-қувватлашга қаратилган турли ташаббусларни қўллаб-қувватлайди.
Ипак Йўли банки БМУ талабалари учун амалий тажриба муҳимлигини тушунади ва банкимизнинг турли бўлимларида амалиёт ўташ имкониятларини таклиф этади. БМУ талабаларининг банкимиздаги амалиёт давомида кўрсатган билими, иштиёқи ва фидойилиги бизни чинакамига ҳайратда қолдирди. Шунингдек, биз факультет ва амалиёт дастури раҳбарларини ушбу тажрибага тайёрлаганликлари учун миннатдорчилик билдирмоқчимиз. Топшириқларни муваффақиятли бажариш ва фаол иштирок талабаларнинг БМУда олаётган таълим сифатидан далолат беради. Амалиёт давомида олинган кўникмалар талабаларга келажакдаги фаолиятида фойдали бўлишига умид қиламиз", — дея хулоса қилди АИКБ Ipak Yo‘li`нинг кадрлар бўлими бошлиғи Адиба Каримова.
Касбий ривожланиш
Марказда, шунингдек, касбий ва шахсий ривожланиш билан боғлиқ турли мавзуларда тренинг ва семинарлар ўтказилади. Ўтган ўқув йилида мулоқот, етакчилик, вақтни режалаштириш ва стрессни бошқариш каби кўникмалар бўйича бир қатор тадбирлар ташкил этилди. Ушбу кўникмалар ҳар қандай соҳада муваффақиятга эришиш учун зарурдир ва университет талабаларнинг ўқиш даврида уларни ривожлантиришига амалий ёрдам беради.
Университет, шунингдек, талабаларни потенциал иш берувчилар ва соҳа мутахассислари билан таништиришда хизмат қиладиган бўш иш ўринлари ярмаркалари ва компания тақдимотларини мунтазам равишда ўтказади. Шу вақт ичида марказ томонидан уч марта «Касб кунлари» ўтказилди ва уларда 30 дан ортиқ компаниялар иштирок этди. Бундан ташқари, марказда иш берувчилар ва талабалар билан алоқа каналлари мавжуд бўлиб, уларда бўш иш ўринлари эълонлари эълон қилинади ва ўқув машғулотлари ўтказилади.
Ўқув дастурларида амалий билимларни амалиётда қўллаш
Марказ доимий равишда университет профессор-ўқитувчилари билан ўзаро алоқада бўлиб, ўқув жараёнида амалий лойиҳалар ва амалий ишларни ўз ичига олади. Бу эса талабаларга ўз билим ва кўникмаларини реал компанияларда қўллаш имкониятини беради. Ушбу лойиҳалар кўпинча маҳаллий ва халқаро бизнес ва ташкилотлар билан ҳамкорликда амалга оширилиб, талабаларга қимматли саноат тажрибасини тақдим этади. «Маркетинг асослари», «Таъминот занжирини бошқариш», «Менежмент психологияси», «Молиявий ҳисоб» ва бошқа курслар шулар жумласидандир.
Марказ фаолияти орасида меҳмон маърузачилар алоҳида ўрин тутади. Унда халқаро ва маҳаллий экспертлар ўз амалий тажрибаларини талабалар билан ўртоқлашадилар ва уларни Ўзбекистон бозорида ҳам, ундан ташқарида ҳам саноат фаолиятининг ўзига хос жиҳатлари билан имкон қадар чуқурроқ таништирадилар.
Корхоналар ва иш берувчилар офисларига экскурсиялар талабаларга жуда қизиқ бўлиб, экскурсиянинг ҳар бир иштирокчиси Artel, NestOne, UzAuto Trailer каби бозордаги етакчи компанияларнинг фаолияти билан танишиш, бизнес жараёнлари қандай ташкил этилишини тушуниш имкониятига эга бўлади.
Менторлик
Марказ менторлик дастурини ишга туширишни режалаштирмоқда. Талабалар ўз соҳаси бўйича тажрибали мутахассислар билан ишлаш имкониятига эга бўлиб, уларнинг мутахассис сифатида ўсиши ва ривожланишига ёрдам беради. Менторлар ўз тажрибалари ва билимлари билан ўртоқлашадилар ҳамда талабаларга тўғри қарор қабул қилиш ва мақсадларига эришиш йўлларини ўрганишида ёрдам беришади. Компания ва мутахассислар қуйидаги ҳавола орқали дастурга ариза топширишлари мумкин. Тренинглар июль ойида бўлиб ўтади.
«Ишончимиз комилки, бундай дастур реал шароитларда ишлайдиган мураббийлардан қимматли билим ва тажрибага эга бўладиган талабалар учун жуда фойдали бўлади», — деди университет ректори Конрад Озог.
Касбдан ҳам кўпроқ
Таълим жамият ва бутун дунёга ижобий таъсир кўрсатишда муҳим роль ўйнайди. Касб ва саноатга йўналтириш маркази ҳам Ўзбекистонда ҳаёт сифатини яхшилашга қаратилган кўплаб ташаббусларни амалга оширади. Марказ БМУнинг бутун дунё бўйлаб аёллар ва қизларнинг мавқеини яхшилашга қаратилган глобал дастурлаш консорциуми — «Аёллар ва қизларнинг ҳуқуқларини кенгайтириш» (WAGE) лойиҳасида иштирок этиш ташаббуси билан чиқди.
Таълимга сармоя киритиш бугунги меҳнат бозорида муваффақиятга эришиш учун зарурдир. БМУ касб ва саноатга йўналтириш маркази талабаларга ўзлари танлаган соҳада муваффақиятга эришишлари учун зарур воситалар ва ресурсларни тақдим этади. Талабалар БМУда таҳсил олиб, кенг кўламли касб йўлларини танлашлари ва Ўзбекистон ҳамда ундан ташқаридаги жамият ҳаётига ижобий таъсир кўрсатишлари мумкин.
Бугун таълимга сармоя киритиб, ёрқин келажак яратиш мумкин. БМУга ҳужжатларни 31 июлгача қуйидаги ҳавола орқали топшириш мумкин.
Телефон: (+998) 95−511−99−99.
E-mail: info@bmu-edu.uz
Сайт: bmu-edu.uz
Instagram: @bmuedu
Telegram-канал: t.me/bmuedu
Telegram-бот: t.me/BMUedubot
Facebook: fb.com/bmuedu
LinkedIn: British Management University in Tashkent
Реклама ҳуқуқлари асосида.
