Италия собиқ бош вазири Сильвио Берлускони 86 ёшида вафот этди, деб хабар бермоқда BBC News.
Сиёсатчи Миландаги касалхонада вафот этди, у ерда сўнгги олти ҳафта давомида сурункали лейкемия (қон ва суяк илиги саратонининг турли шаклларининг умумий номи) билан боғлиқ ўпка инфекциясига қарши даволанганди.
Миллиардер ва медиамагнат Сильвио Берлускони илк бор 1994 йилда Forza Italia партиясини тузиб, ҳокимият тепасига келган. У 1994−1995, 2001−2006 ва 2008−2011 йилларда Италия бош вазири лавозимларида ишлаган.
Фаолияти давомида Берлускони бир неча жиноий ишларда гумонланган. 2013 йилда у солиқ тўлашдан бўйин товлаганликда айбдор деб топилиб, бир йилга жамоат ишларига жалб этилган.
