АҚШнинг собиқ вице-президенти Майк Пенс Федерал сайлов комиссиясига 2024 йилда президентликка номзод бўлиш учун ариза топширди, деб хабар бермоқда Euronews. У ўз қарорини 7 июнь куни эълон қилиши кутилмоқда.
Республикачилар партияси аъзоси сифатида 63 ёшли Пенс Республикачилар партиясидан президентликка номзодлик учун собиқ президент Дональд Трамп билан рақобатлашади.
25 май куни Трампнинг асосий рақибларидан бири саналган Флорида штати республикачи губернатори Рон Десантис ҳам президентлик пойгасида иштирок этишини маълум қилганди.
Демократик партиядан АҚШнинг амалдаги президенти Жо Байден, шунингдек, АҚШнинг 35-президенти Жон Кеннедининг жияни, адвокат Роберт Кеннеди ва Жанубий Каролина собиқ губернатори Никки Хейли ҳам ўз номзодини илгари сурган.
Майк Пенс 2017 йилдан 2021 йилгача президент Дональд Трамп даврида АҚШ вице-президенти лавозимида ишлаган.
Пенс 2013—2017 йилларда Индиана губернатори лавозимида фаолият олиб борган ва 2001−2013 йилларда АҚШ Конгресси Вакиллар палатаси аъзоси бўлган.
