«Альянс АТА» партияси блокидан Туркия президентлигига собиқ номзод Синан Оган ўз тарафдорларини президентлик сайловларининг иккинчи босқичида Режеп Таййип Эрдоғанга овоз беришга чақирди. Бу ҳақда Hurriyet хабар бермоқда.
Оган ўз қарорини ҳукмрон коалиция сайловларда парламентнинг кўпчилигини қўлга киритгани билан изоҳлади. «Парламент ва президент бир иттифоқ назорати остида бўлиши муҳим», — дейди сиёсатчи.
Мухолифатдаги «Миллий Альянс» Киличдароғлу, «20 йилдан бери ҳокимиятда бўлган [Эрдоғаннинг] Халқ иттифоқини мағлуб эта олмади ва бизга келажакка ишонч бағишлайдиган истиқбол таклиф қила олмади» деб қўшимча қилди.
Туркияда сайловларнинг биринчи босқичи 14 май куни бўлиб ўтди. Уч номзоднинг ҳеч бири унда ғалаба қозониш учун зарур бўлган 50 фоизлик кўрсаткичдан ўта олмади.
Амалдаги президент Режеп Таййип Эрдоған 49,52 фоиз овоз олган бўлса, унинг асосий мухолифатдаги рақиби Кемал Киличдороғлу 44,88 фоиз овоз тўплади. Синан Оган 5,17 фоиз овозга эга бўлди.
Таҳлилчиларнинг қайд этишича, Оган иккинчи турда номзодлардан бирини маъқуллаши ҳал қилувчи аҳамиятга эга бўлади. Эрдўғон аллақачон Оганга қўллаб-қувватлагани учун миннатдорчилик билдирган ва улар ўртасида келишувга эришилгани ҳақидаги хабарларни рад этган. Аввалроқ Синан Оган қўллаб-қувватлаши эвазига янги маъмуриятда юқори лавозимни эгаллашни исташини айтганди.
Туркия Олий сайлов кенгаши президентлик сайловларининг иккинчи босқичини 28 майга белгилади.
