10 май куни соат тахминан 03:59 атрофида Қашқадарё вилояти Косон туманидаги «Юқори Арабхона» маҳалласидаги хонадонларнинг бирида ёнғин содир бўлди, дея хабар бермоқда вилоят Фавқулодда вазиятлар вазирлиги.
Воқеа жойига 1 та ёнғин-қутқарув бўлинмаси етиб борган ва у соат тахминан 04:30 атрофида тўлиқ бартараф этилган. Ёнғин оқибатида фуқаро Б.Л.га тегишли хонадоннинг 28 метр квадрат ички ва том қисми зарарланган.
Хонадоннинг тахминан 150 метр квадрат майдони сақлаб қолинган. Содир бўлган ёнғиндан 1 нафар фуқаро (хонадон эгасининг турмуш ўртоғи) куйиш тан жароҳати олиши оқибатида воқеа жойида вафот этган.
Ҳозирда ҳолат юзасидан тегишли соҳа вакиллари томонидан суриштирув жараёнлари олиб борилмоқда.
