UzAssets инвестиция компанияси «Ўзбеккимёмаш заводи» АЖ устав капиталидаги 44,71 фоиз акциялар пакетини 37,0 млрд сўмга Tropidia Holding B.V. (Нидерландия) га сотиш бўйича келишувга эришилганини маълум қилди.
Завод улушини сотиш жараёни 2021 йил 25 августда бошланган. UzAssets битимни амалга ошириш учун Deloitte халқаро консалтинг компаниясини хусусийлаштириш бўйича маслаҳатчи сифатида жалб қилди, Dentons халқаро юридик фирмаси эса ҳуқуқий ёрдам кўрсатди.
Хусусийлаштириш жараёни доирасида маслаҳатчи ва UzAssets ҳам маҳаллий, ҳам халқаро миқёсда маркетинг ишларини амалга оширди. Инвесторлардан активни сотиб олишга қизиқиш билдирган бешта ариза келиб тушди.
Талабгорлар хусусийлаштириш жараёнида иштирок этишини тақиқлаши мумкин бўлган маъмурий, ҳакамлик ёки бошқа суд жараёнларининг йўқлиги ҳамда Европа Иттифоқи ва АҚШнинг, шунингдек йирик халқаро молия институтларининг санкциялари рўйхатига киритилмаганлиги юзасидан ўрганилган, дейилади ҳисоботда. .
Бундан ташқари, Мажбуриятга эга бўлган таклифлар (BO)ни тайёрлаш доирасида, санкциялар рўйхатига киритилмаганлиги юзасидан танлаб олинган инвесторларга корхонани ўзлари томонидан комплекс таҳлил (due diligence) ўтказиш, шунингдек консультант томонидан тайёрланган ҳамда виртуал маълумотлар хонаси (VDR)га жойланган корхонанинг молиявий, ҳуқуқий ва солиққа оид таҳлилий ҳисоботлар билан танишиш имконияти берилди, дея хабар қилди UzAssets.
Энг яхши мажбуриятга эга бўлган таклиф Tropidia Holding томонидан тақдим этилган ва унинг нарх таклифи консультант томонидан ҳисобланган корхонанинг индикатив нархлар параметрлари оралиғида жойлашган ҳамда корхонанинг баҳоланган қийматидан юқори, дейилади хабарда.
Шу билан бирга, UzAssets’нинг ишонишича, харидор келажакда бозордаги рақобат кучайган шароитда Корхона фаолиятини сақлаган ҳолда барқарор ривожланишини таъминлай оладиган ҳамда иссиқлик алмашинуви ускуналари, насослар, турбо компрессорлар, колоннали ва сиғимли қурилмаларни, шунингдек мураккаб металлни лойиҳалаш ва ишлаб чиқариш бўйича Ўзбекистоннинг йирик саноат корхоналаридан бири бўлиб шаклланади.
Tropidia Holding иссиқлик алмашинуви ускуналари, насослар, турбокомпрессорлар, устунлар ва идишларни лойиҳалаш, ишлаб чиқариш ва техник хизмат кўрсатиш, шунингдек, мураккаб металлургияга ихтисослашган. Корхона электр энергияси, табиий газ, карбонат ангидрид, кислород, шунингдек, темир йўл йўлакларининг тайёр коридорларини (Чирчиқ станциясидан 5,9 км., қуввати ойига 250 вагон/10 минг тонна) етказиб бериш бўйича «катта қувватларга» эга. Бундан ташқари, компания «Навоийазот», «Навоий» ва «Олмалиқ» КМК ҳамда «МаксамЧирчиқ» учун эҳтиёт қисмлар етказиб берувчи ҳисобланади.
