«хусусийлаштириш» тегли мақолалар
Paynet`нинг таъсисчиси ўзгарди. Тўлов хизматининг янги эгаси ким?
Paynet тўлов хизматини бошқарувчи Uzpaynet компанияси таъсисчиси ўзгарди. Давлат активларини бошқариш агентлиги балансидаги 100 фоиз давлат улуши New Industrial Technologies`га ўтказилди. Давактив хусусийлаштириш жараёни бўйича яна расмий хабар бермади.
Ўзбекистонда давлат мулкини хусусийлаштириш бўйича янги дастур ишлаб чиқилди
Президентга 2024 йилги хусусийлаштиришнинг янги дастури тақдим этилди. Унда 250 га яқин объектнинг давлат улушлари, мингга яқин кўчмас мулк объектлари ва 12 та корхонанинг оммавий савдоларга чиқарилиши кўзда тутилган. Сотилмай қолган ер участкаларининг нархи босқичма-босқич пасайтирилади.
Тошкентдаги собиқ автобазанинг бино ва иншоотлари 105 млрд сўмга сотилди
Давлактив Тошкентдаги 3,2 гектар майдондаги собиқ автобазани 105 миллиард сўмга сотди. Тендер ғолиби Evro Tires Universal бўлди.
Жамшид Қўчқоров — банкларни хусусийлаштириш қандай кетаётгани ҳақида
Бош вазир ўринбосари Жамшид Қўчқоров ҳукумат «Ўзсаноатқурилишбанк» хусусийлаштирилишини тезлаштириш устида ишлаётганини, май ойида «Асакабанк»ни хусусийлаштиришга тайёрлаш бўйича ЕТТБ билан келишув имзоланиши режа қилинганини билдирди. Шунингдек, Ислом молияси бўйича ишлар кўлами кенгаяди.
«Ўзбекнефтгаз»нинг Petroleum Technology Group`га ўтказилган «заправка»лари қанча турарди?
Данияр Камиловнинг Petroleum Technology Group компаниясига тегишли 80 та «Ўзбекнефтгаз» ёқилғи қуйиш шохобчаларининг нархи камида 100 миллион долларни ташкил қилиши мумкин (ер нархидан ташқари). Давактив ва «Ўзбекнефтгаз» ҳалигача келишув тафсилотларини ошкор қилмади.
Ўзбекистон давлат банкларини хусусийлаштириш яна кечроққа қолдирилиши мумкин — Fitch
Ўзбекистон давлат банкларини хусусийлаштириш яна кечиктирилиши мумкин, деди Fitch Ratings директори ўринбосари Павел Каптел. Уларнинг сотувдан олдинги тайёргарлик ишлари ҳамон давом этмоқда. Давлат акцияларини ўз вақтида сотиш халқаро молия ташкилотларининг банклар капиталига киришига ҳам боғлиқ.
«Ўйин қилмагин». Президент давлат активларини хусусийлаштиришни жадаллаштириш бўйича топшириқ берди
Президент 33 та дон корхоналарини хусусийлаштиришни тезлатиш бўйича топшириқ берди. У вазирлик ва ҳокимликлар активлари сотувининг сустлашиб бораётганини танқид қилди. Масалан, Тошкент шаҳрида 25 гектар ер аукционга қўйилиб, кейин қайтариб олингани сабабли бюджетга 600 млрд сўм келиб тушмаган.
«Бу — коррупцияга асос». Президент Ўзбекистон туманларининг мастер-режалари йўқлиги ҳақида гапирди
Президент бош вазир ўринбосарига йил охиригача 70 та, 2025 йилда эса Ўзбекистоннинг барча туманлари бўйича мастер-режалар ишлаб чиқиш топшириғини берди. Шунингдек, у баъзи ҳокимлар пахта майдонларини электрон платформага интеграция қилиш тўғрисидаги фармонига зид иш тутаётганини айтди.
«Пахтакор» футбол клуби сотувга қўйилди
Давактив «Пахтакор футбол клуби» МЧЖнинг 100 фоиз давлат улуши савдога чиқарилганини маълум қилди. Клубнинг янги эгаси академия ва клуб фаолиятини давом эттириши, клуб балансидаги барча спорт объектларидан, жумладан, футбол майдонидан фақатгина спорт фаолияти йўналишларида фойдаланиши керак бўлади.
Президент «Донмаҳсулот» таркибидаги корхоналар нархи сунъий ошириб юборилгани учун сотилмаётганини таъкидлади
Шавкат Мирзиёев «Донмаҳсулот» таркибидаги савдога чиқарилган 43 та корхонадан бор-йўғи 10 таси сотилганини, айримлари 2−3 йилдан бери сотилмасдан турганини, бунга сабаб эса хусусий секторга бермаслик учун нархи сунъий ошириб юборилганини таъкидлади.
«Ўзбекистон шампани» заводидаги давлат улуши 72 млрд сўмга сотилди
«Ўзбекистон шампани» акциядорлик жамиятидаги давлат улуши 72 миллиард сўмга сотилди. Шампан, газли ва кўпикланадиган винолар ишлаб чиқарувчи заводнинг харидори Euro Pack компанияси бўлди.
«Биокимё» спирт заводи 118 миллиард сўмга хусусийлаштирилмоқда
«Биокимё» спирт заводининг давлатга тегишли 51 фоиз улуши 118 млрд сўмга (9,6 млн доллар) сотилди. Харидор умумий овқатланиш ва озиқ-овқат етказиб бериш хизматларини кўрсатувчи Mega comfort business бўлди.
«Ўзтемирйўлконтейнер»нинг давлат улушини хусусийлаштириш тўхтатилди
Давактив агентлиги «Ўзтемирйўлконтейнер» АЖнинг давлат улушини хусусийлаштириш жараёнини тўхтатди. Чунки корхона «Ўзбекистон темир йўллари»ни ислоҳ қилиш доирасида «Темирйўлкарго»га айлантирилмоқда.
«Шарқ» мажмуасининг қайси бинолари маданий мерос объекти экани текширилади
Давлат активларини бошқариш агентлиги «Шарқ» нашриётининг қайси бинолари маданий мерос объекти эканини аниқлаш бўйича Маданий мерос агентлиги билан келишиб олди. Агентлик ЎзА биноси бундай объект эмаслигини, лекин унинг ташқи кўринишини сақлаб қолиш хусусийлаштириш шарти бўлишини таъкидлади.
Маданий мерос агентлиги «Шарқ» ва ЎзА биноларини аукциондан олиб ташлаш бўйича огоҳлантириш берди
Маданий мерос агентлиги ягона мулкий мажмуа сифатида савдога чиқарилиши айтилган «Шарқ» ва ЎзА бинолари маданий мерос объекти эканини ва хусусийлаштириш мумкин эмаслигини маълум қилди. Уларни аукциондан олиб ташлаш бўйича Давактив агентлигига огоҳлантириш берилди.
«Бу фақат бизнинг хоҳишимизга боғлиқ эмас». Марказий банк раҳбари — давлат банкларини хусусийлаштириш ҳақида
Марказий банк раҳбари давлат банкларини хусусийлаштириш нега кечиктирилаётгани ҳақида гапириб, «бу нафақат бизнинг хоҳишимизга, балки хорижий инвесторларнинг ишончига ҳам боғлиқ», деб таъкидлади. Ўтган йилги геосиёсий инқироз инвесторларнинг постсовет мамлакатлари бозорига киришини қийинлаштирган.
«Биокимё» ва «Андижон биокимё заводи» АЖлардаги давлат улушини хусусийлаштириш бошланди
Давактив «Биокимё» АЖ устав капиталидаги 51 фоиз ва «Андижон биокимё заводи» АЖдаги 76 фоиз давлат улушини хусусийлаштириш жараёни бошланганини эълон қилди. Корхоналарнинг устав фонди 9,6 млрд ва 24 млрд сўм, иккала заводнинг ҳам ишлаб чиқариш қуввати йилига 1,83 млн декалитрни ташкил этади.
«Сижжак» ва «Чотқол» дам олиш масканлари хусусийлаштириладиган объектлар рўйхатидан чиқариб юборилди
Ўзбекистон президенти ўзининг аввалги қарорларига ўзгартиришлар киритиб, «Сижжак» ва «Чотқол» дам олиш масканларини хусусийлаштириладиган объектлар рўйхатидан чиқариб ташлади. Илгари Гулнора Каримовага тегишли бўлган «Сижжак» маскани бир неча бор сотувга қўйилган, лекин сотилмай қолганди.
OTP Bank 2 ҳафта ичида «Ипотека-банк»ни хусусийлаштириш бўйича биринчи битимни якунламоқчи
«Ипотека-банк»ни хусусийлаштириш бўйича биринчи битим икки ҳафта ичида якунланиши режалаштирилмоқда, деди OTP Bank директори ўринбосари Ласло Вульф. Унинг сўзларига кўра, OTP 2022 йил декабрь ойида хусусийлаштириш тўғрисидаги битим имзолангандан бери «Ипотека-банк»ни ривожлантириш устида ишламоқда.
АКТ вазирлиги ва «Алоқабанк» бинолари битта компания томонидан банк кредити эвазига сотиб олинди
Тошкент марказидаги Рақамли технологиялар вазирлиги ва «Алоқабанк» маъмурий бинолари электрон аукционда Black Gold Industry компанияси томонидан 387 млрд сўмга сотиб олинди. «Алоқабанк» аукциондан бир кун аввал ушбу компанияга 15 йил муддатга 14 фоиз ставкада 390 млрд сўм кредит берган.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- UzAuto Motors 23 апрель куни Damas учун контрактацияни очади
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- «Соғинчимни қондириш учун чизаман». Умиджон Алимовнинг «Қишлоқ анатомияси» кўргазмасидан репортаж
Қўшимча имкониятларга эга булиш учун сайтда рўйхатдан ўтинг