6 март куни Туркияда 24 кун давомида зилзила оқибатларини бартараф этишда иштирок этган Мудофаа вазирлигининг ҳарбий хизматчилари Тошкентга қайтиб келди, дея хабар бермоқда «Газета.uz»га вазирликнинг Ахборот ва оммавий коммуникациялар департаменти.
Тошкент халқаро аэропортида уларни оммавий ахборот воситалари, кенг жамоатчилик вакиллари, мудофаа вазирининг ўринбосари ва бошқа расмийлар кутиб олди.
Шавкат Мирзиёев топшириғи билан 8 февраль куни жўнаб кетган ҳарбий хизматчиларидан иборат тиббий отряд жами 3860 нафар фуқарога тиббий ёрдам кўрсатган. Улардан 1795 нафари эркаклар, 1177 нафари аёллар ва 888 нафарини эса болалар ташкил этади.
Эслатиб ўтамиз, 25 февраль куни тонгда 18 нафар тирик инсонни қутқарган ва 200 га яқин жасадни олиб чиққан ФВВ қутқарувчилари Тошкентга қайтганди. Аэропортда улар «Газета.uz» билан суҳбатда кўрган-кечирганлари ва қутқарув ишлари ҳақида сўзлаб берганди.
