Жиззах вилояти Ғаллаорол туманида 24 февраль соат 16:12 да зилзила қайд этилди. Бу ҳақда Фавқулодда вазиятлар вазирлиги Сейсмопрогностик мониторинг республика маркази хабар берди.
Зилзила координаталари: 39,97 градус шимолий кенглик; 67,74 градус шарқий узунлик. Магнитуда М=3,9. Чуқурлик 10 км. Зилзила эписентри Тошкентдан 190 км жанубий-ғарбда.
Ўзбекистон Республикаси ҳудудида сезилиш кучи:
- Шароф Рашидов туманида 2−3 балл, 13 км;
- Жиззах шаҳрида 2−3 балл, 18 км;
- Бахмал туманида 2 балл, 27 км.
Эслатиб ўтамиз, 23 февраль куни Тожикистондаги зилзила кучи Ўзбекистонда икки марта (1, 2) сезилганди.
Аввалроқ, «Газета.uz» нима учун барча зилзилаларни башорат қилиб бўлмаслиги ҳақида олимлар билан суҳбатлашганди.
