Сурхондарё вилоятида «КамАЗ» ва «ВАЗ 21011» иштирокида йўл-транспорт ҳодисаси содир бўлди, дея хабар қилди вилоят ЙҲХБ ахборот хизмати.
4 январь куни Узун тумани «Чинор» маҳалласидан ўтган 4Р-101 автомобиль йўлининг 122-кмда «ВАЗ 21011» автомобили шу йўналишда ҳаракатланиб кетаётган «КамАЗ»га бориб урилган ва йўл четига ағдарилиб кетган.
Ҳодиса оқибатида енгил автомобилдаги аёл киши ва унинг қўлидаги 2022 йил туғилган фарзанди оғир жароҳат олиб шифохонада вафот этган.
Воқеага «ВАЗ 21011» автомобили тезликни меъёридан ошириб ҳаракатлангани ва ҳайдовчининг тажрибасизлиги сабаб бўлгани аниқланган.
