Finance TCI «Капиталбанк»нинг асосий акциядорига айланди, дея ёзмоқда Spot Ягона корпоратив ахборот портали маълумотларига таяниб.
Finance TCI 2022 йил 28 декабрдаги биржа савдоларида банкнинг 214,4 млн дона акцияларини (устав капиталининг 50 фоизи) сотиб олди. Битим 786,89 млрд сўмни ташкил этди, акция нархи 3670 сўмга тенг.
Харид қилиш вақтида Finance TCI «Капиталбанк»нинг 49,4 млн дона қимматли қоғозларига эга эди. Уларни инобатга олган ҳолда компания ҳозирда 61,54 фоиз акцияларга эгалик қилмоқда.
Finance TCI Алишер Усмоновнинг USM холдинг тузилмаларига тегишли бўлган 2022 йил январида банк 8,33 фоиз улушига эга эди. USM`нинг шўба корхонаси «Телекоминвест» 2021 йилнинг кузида банк акциядорига айланди, кейин эса ўз улушини кенгайтирди.
Январь ойи охирига келиб Алишер Усмоновга алоқадор компаниялар «Капиталбанк»нинг 58,33 фоизини назорат қила бошлади. 2021 йил ноябрь ойида акцияларнинг ярмига эгалик қилган аввалги бош акциядор Ойбек Турсунов афилланган шахслар рўйхатидан чиқарилди.
Бироқ Украинада уруш бошланганидан кейин Алишер Усмонов Европа Иттифоқи, АҚШ ва Буюк Британия санкциялари остида қолди. Шундан сўнг, USM холдинги «Телекоминвест» ва Finance TCI «Капиталбанк» бизнесини ривожлантиришдан манфаатдор бўлган хусусий инвесторлар гуруҳига сотилишини эълон қилди.
Spot ҳозирда USREO`да Finance TCI`нинг ягона асосчиси сифатида Djuzum SPV қайд этилгани ҳақида ёзмоқда. Шунингдек, Uzum, Uzum Market, Uzum Technologies ва One Factor ва Fast Delivery Technologies каби ИТ-компаниялари эгаси сифатида қайд этилган.
