21−22 октябрь кунлари Тошкент шаҳридаги Hyatt Regency Tashkent меҳмонхонасида тўртинчи TAF!22 Тошкент реклама фестивали бўлиб ўтди. Ўзбекистонда фаолият юритаётган кўплаб компаниялар ва медиа агентликлари ўзларининг реклама ишлари билан ушбу фестивалда иштирок этди. Шу билан бир қаторда маиший техника ва уй учун маҳсулотларни муддатли тўловга сотиш бўйича Ўзбекистонда етакчи брендлардан бири бўлган ISHONCH дўконлар тармоғи ҳам ўзининг креатив рекламалари билан ушбу фестивалда қатнашди ва фестивалнинг кўплаб мукофотларини қўлга киритишга муваффақ бўлди.


Бешта номинацияда ўз ишлари билан иштирок этган ISHONCH дўконлар тармоғи битта платинум, олтита олтин, учта бронза ва «2022 йил Энг яхши реклама берувчиси» ҳамда «2022 йилда фаол ривожланаётган ноозиқ-овқат ритейли» махсус мукофотларини қўлга киритди:

  • ребрендинг йўналиши бўйича экспертлар ҳайъати танлови бўйича энг юқори платина мукофоти, истеъмолчилар танлови бўйича бронза мукофоти;
  • мавсумий реклама кампанияси учун экспертлар ҳайъати танлови бўйича олтин мукофоти, истеъмолчилар танлови бўйича олтин мукофоти;
  • миллий қадриятлар қўлланилган кампания учун экспертлар ҳайъати танлови бўйича олтин мукофоти, истеъмолчилар танлови бўйича олтин мукофоти;
  • битта коммуникация каналига эга кампания учун истеъмолчилар танлови бўйича олтин ва бронза мукофотлари;
  • интеграцияланган кампания учун экспертлар ҳайъати танлови бўйича олтин мукофоти, истеъмолчилар танлови бўйича бронза мукофоти;
  • «Ўзбекистонда 2022 йилдаги энг фаол ривожланаётган ноозиқ-овқат ритейли» унвони;
  • «Йилнинг энг яхши реклама берувчиси» унвони.


ISHONCH дўконлар тармоғи сўнгги йилларда брендни янада ривожлантириш йўлида кўплаб ишларни амалга ошириб келмоқда. Мисол тариқасида компания ребрендинги Depot бренд агентлиги томонидан амалга оширилган. Бундан ташқари ҳар бир катта реклама кампаниялари учун сценарий ишлаб чиқиш ва тасвирга олиш ишлари учун чет эллик мутахассислар жалб қилинди ҳамда Ўзбекистондаги ўз соҳасининг етакчиларидан бири бўлган видеопродакшн ва креатив агентликлар билан иш олиб борилди ва қилинган меҳнатлар натижасида юқоридаги санаб ўтилган ютуқлар қўлга киритилди.


«2021 йил бренди» мукофоти ғолиби ҳамда 2021 йил ноозиқ-овқат товарлари минтақавий ритейлерлари етакчиси бўлган ISHONCH дўконлар тармоғи ўз фаолиятини 2010 йилда, Фарғона вилояти, Учкўприк туманида биринчи дўконини очишдан бошлаган бўлиб, бугунги кунга келиб компаниянинг Ўзбекистон бўйлаб 65 та савдо дўконлари аҳолига сифатли хизмат кўрсатиб келмоқда.


Компаниянинг асосий мақсади — аҳолининг турмуш тарзини янада яхшилашга, қулайликлар яратишга қаратилган бўлиб, бу компания фаолиятида ўз аксини топган. Инсонларнинг яшаш шароитларини яхшилаш, улар учун қулайликлар яратишни ўзининг устувор вазифаси сифатида белгилаган ISHONCH компанияси истеъмолчилар орасида обрў ва эътибор қозониб, бу шубҳасиз уларнинг танловида акс этган.


Фестивалда иштирок этиш учун топширилган реклама ишларини қуйидаги ҳавола орқали кўришингиз мумкин: ISHONCH-yutuqlari

Батафсил маълумот учун телефон: (+998) 73−515−22−22.

Telegram: t.me/ishonchsavdo, t.me/ishonchadmin 1
Instagram: instagram.com/ishonchsavdouz
Facebook: facebook.com/ishonchsavdouz
YouTube: youtube.com/c/Ishonchsavdo

Реклама ҳуқуқлари асосида.