Uzbekistan Airways Мўйноқ ва Нукус аҳолиси учун қулай шарт-шароитларни яратиш мақсадида янги рейс ташкил этилаётганини маълум қилди.
Қайд этилишича, 12 сентябрдан бошлаб Нукус-Мўйноқ-Нукус йўналишидаги қатновларни жорий қилинади. Авиақатновлар душанба кунлари амалга оширилади.
- Нукусдан жўнаб кетиш: 09:45;
- Мўйноққа етиб бориш: 10:45;
- Мўйноқдан жўнаб кетиш: 11:25;
- Нукусга етиб бориш: 12:25.
Шунингдек, фақат 9 сентябрь куни HY-012 Нукус — Тошкент йўналишида авиақатнов Мўйноқ аеропортига қўниб, йўловчиларни бортга қабул қилади ҳамда қуйида кўрсатилган жадвал бўйича амалга оширилади:
- Нукусдан жўнаб кетиш: 09:45;
- Мўйноққа етиб бориш: 10:45;
- Мўйноқдан жўнаб кетиш: 11:25;
- Тошкентга етиб бориш: 13:25.
Эслатиб ўтамиз, аввалроқ Мўйноқ шаҳридаги аэропорт қайта таъмирланиб, янги кўринишда ишга туширилганди.