Ўзбекистон Давлат активларини бошқариш агентлиги Тошкент вилоятидаги Чорвоқ сув омборининг чап қирғоғида жойлашган «Чорвоқ оромгоҳи» («Пирамидалар») дам олиш маскани сотилганини маълум қилди.
Агентлик сайтида эълоннинг 5 июль куни чоп этилганига Spot.uz эътибори қаратди. ДАБА маълумотларига кўра, электрон ауцион орқали объектни сотиб олиш учун тўрт нафар иштирокчи ариза топширган.
Якунда давлат тендер комиссияси «Пирамидалар» учун 208 млрд сўм таклиф этган VIP Logistics компаниясини ғолиб деб топди.
КТЯДП маълумотларига кўра, VIP Logistics қўшма корхонаси 2011 йил август ойида Тошкентда 2,69 млн доллар устав капитали билан рўйхатга олинган. Компаниянинг асосий фаолияти автомобиль транспортидир.
VIP Logistics таъсичилари сифатида Harvest Industries LP (93%), Жамшид Абдугапарович Шакиров (5,1%) ва Абдигаппар Шокирович Шакиров (1,9%) кўрсатилган. Дилмурад Закирович Рахматуллаев компания раҳбари ҳисобланади.
Буюк Британия Регистрация палатаси (Companies House) маълумотларига кўра, Harvest Industries LP 2012 йил май ойида Шотландияда ташкил этилган. Ўзбекистон фуқароси Тоҳир Икромов муҳим назоратга эга шахс сифатида қайд этилган.
Британия компанияси, шунингдек, тугатилган Lok Kolor Sintez бўёқ ва лаклар бизнесида ҳам улушга эга бўлган, шунингдек, Big Bag Production полипропилен қоп ва ип-калава заводининг ҳаммуассислари (82,4%) рўйхатига киритилган.
Жамшид Шокиров ўз навбатида Kanteks Invest (50 фоиз, пахта толасини тайёрлаш ва йигирув), Rohat Plasteks (100 фоиз, нотураржой бинолари қуриш), Navo Teks (50 фоиз, пахта толасини тайёрлаш ва йигириш) ва Uzbekistan Hydrogen Peroxide (85 фоиз, газни чуқур қайта ишлаш ва водород перикс импорти ўрнини тўлиқ қоплаш учун ташкил этилган лойиҳалари) каби компанияларнинг ҳамтаъсисчиси ҳам саналади.
«Пирамидалар» жорий кимошди савдосига 2021 йил октябрь ойида қўйилган эди. Spot.uz хабарига кўра, янги эгаси меҳмонхонани сақлаб қолиши, дарахтлар ва буталарни кесишга мораторийни кузатиши, шунингдек, IMPRO компанияси олдидаги 573,5 минг евро миқдоридаги қарзини тўлаши керак бўлади.
Аввалига объектни 8 қисмга бўлиб сотишга ҳаракат қилинди. Хусусийлаштириш тўғрисидаги қарор унинг иш самарадорлигини ошириш мақсадида қабул қилинган — 2019 йилда дам олиш маскани фойдаси 2,7 млн сўмгача тушиб кетди.
