30 март куни «Ягона умумреспублика процессинг маркази» МЧЖ (ЯУПМ) банкларга Uzcard пластик карталарини мижозларига «бир зумда» ишлаб чиқариш имконини берувчи янги хизматни тақдим этди. Бу ҳақда «Газета.uz»га компания матбуот хизмати хабар берди.
Гап NFC технологияси бўйича контактсиз тўловни қўллаб-қувватловчи рақамлари бўрттирилган Uzcard карталарини муомалага чиқариш ҳақида кетмоқда. Тадбир давомида иштирокчиларга Entrust компаниясининг Entrust Datacard 840CE моделдаги ускунаси ёрдамида рақамлари бўрттирилган янги турдаги карталарни чоп этиш жараёни намойиш этилди. Қолаверса, мазкур карталарнинг рақамлари ҳам одатдагидек 8600 билан эмас, балки 5614 билан бошаланади.
UZCARD вакиллари пластик карталар тарқатиладиган эмиссия хизмати ҳақида сўзлаб берар экан, компания банклар-иштирокчиларга уларнинг банк бўлимларида карталарнинг «бир зумда» ишлаб чиқарилишини ташкил этиш имконини берувчи хизматни таклиф қилди.
Шунга қарамасдан, мижоз банкка мурожаат қилган вақтдан мазкур картани расмийлаштириш ва фаоллаштиришга қадар бўлган муддат 5 дақиқани ташкил этади. «Бошқа сўз билан айтганда, одамларга картани рўйхатдан ўтказиш ва олиш учун банкка икки марта келиш шарт эмас, мижоз мурожаат қилган кундаёқ дарҳол Uzcard картасини олиши ва молиявий операцияларни амалга ошириш мумкин», дея тушунтирда компания.
Марказ томонидан NFC технологияли карталардан фойдаланишда контактсиз тўловни қабул қилиш ва бошқа операцияларни амалга ошириш учун терминал инфратузилмасини ривожлантириш давом эттирилиши қайд этилди. Мазкур карталар билан жамоат транспортида биргина уринишда тўсиқларсиз йўлкирани тўлаш мумкин.
