Fitch халқаро рейтинг агентлиги Россиянинг хорижий валютадаги узоқ муддатли эмитент дефолт рейтингини «B» дан «С» гача пасайтирди. Компания ушбу рейтингни 27 майда қайта кўриб чиқишни режалаштирган эди, бироқ жараённи навбатдан ташқари ҳолатда ўтказишга қарор қилди.
Агентлик «эмитентнинг кредитга лаёқатлилиги сезиларли даражада ўзгаргани» учун тақвимдан четга чиқди.
«C» рейтинги Fitch`нинг суверен дефолт муқаррар эканлигини ҳақидаги фикрини акс эттиради.
Агентликнинг таъкидлашича, рейтингнинг тушиши 2 март куни давлат қарзи рейтинги салбий прогнозли «B» даражасига пасайтирилгани ортидан содир бўлди. Fitch фикрича, ўшандан бери содир бўлган воқеалар Россиянинг давлат қарзига хизмат кўрсатишгага тайёрлигига янада кўпроқ таъсир кўрсатган. Хусусан, гап Россия президенти Владимир Путиннинг «нодўст» мамлакатлар кредиторларига рублда тўлаш имконини берувчи фармони ҳамда Марказий банкнинг Россиядан норезидентларга пул ўтказмаларини чеклаш тўғрисидаги қарори ҳақида бормоқда.
«Умуман олганда, санкцияларнинг янада кучайтирилиши ва энерготашувчилар савдосини чеклаши мумкин бўлган таклифлар Россия томонидан энг камида суверен қарз мажбуриятларини танлаб тўламасликни ўз ичига олган сиёсий жавоб эҳтимолини оширади», — дейилади баёнотда.
Американинг жаҳон молиявий корпорациялари Morgan Stanley инвестиция банки таҳлилчилари 2023 ва 2043 йилларда муддати тугайдиган доллар облигациялари учун 30 кунлик имтиёзли давр тугайдиган 15 апрель куни Россия дефолтини башорат қилмоқда, деб ёзади Bloomberg.
Ҳукумат маҳаллий ёки хорижий кредиторлар олдидаги мажбуриятларини ўз вақтида бажармаса, дефолт юзага келади. Суверен қарзни реструктуризация қилиш стандартлаштирилган тартиб-қоидага эга эмас — ҳар бир алоҳида олинган мамлакат учун тўловлар бўйича индивидуал дастур тузилади, кўпинча у бир неча йилга чўзилади ва кредиторларга қарз олувчи томонидан маблағларнинг тўлиқ қайтарилишини кафолатламайди.
Давлат томонидан дефолт эълон қилиниши унинг кредит рейтингини пасайтиради — мамлакат учун янги кредитларни жалб қилиш қийинлашади ёки имконсиз бўлади, натижада ташқи капиталнинг чекланган миқдорда киритилиши иқтисодиётнинг ривожланишига тўсқинлик қилади.
Россияда мамлакат мажбуриятлари бўйича техник дефолт 1998 йил 17 августда содир бўлган. Ундан олдин иқтисодий инқироз — гиперинфляция, бюджет тақчиллиги ва деноминациялар юзага келди.
Объявление государством дефолта снижает его кредитные рейтинги — стране становится сложно или невозможно привлекать новые займы, как следствие — ограниченность вливания внешних капиталов тормозит развитие экономики.
В России технический дефолт по обязательствам страны произошел 17 августа 1998 года. Ему предшествовали экономический кризис — гиперинфляция, дефицит бюджета и деноминация.
