РФ ҳукумати Россияга нисбатан нодўстона хатти-ҳаракатлар содир этган давлатлар ва ҳудудлар рўйхатини тасдиқлади, дея хабар қилди РИА Новости.

Ушбу рўйхатдан қуйидаги мамлакатлар ўрин олган: Австралия, Буюк Британия, ЕИ давлатлари, Исландия, Канада, Лихтенштейн, Монако, Янги Зеландия, Норвегия, Корея, Сан-Марино, Сингапур, АҚШ, Тайвань, Украина, Черногория, Швейцария, Япония.

Нодўст давлатлардан бўлган хорижий кредиторлар олдида валюта қарздорлигига эга Россия компаниялари уларга қарзларни МБ курси бўйича рублда тўлашлари мумкин, дейилади хабар

Шунингдек, нодўст давлатлар фуқаролари ва компаниялари билан боғлиқ барча шартнома ва операциялар инвестициялар устидан назорат бўйича ҳукумат комиссияси томонидан тасдиқланиши лозим.

Россия президенти Владимир Путин 5 март куни Россия, унинг фуқаролари ва компанияларига қарши нодўстона хатти-ҳаракатларни содир этган давлатлардан бўлган кредиторлар олдидаги қарзларни тўлашнинг вақтинчалик тартибларини жорий этиш тўғрисидаги фармонни имзолаган эди. Унда ҳукуматга 2 кун ичида ана шундай давлатлар рўйхатини тузиш топширилган.