Гимнастикачи Сабина Ташкенбаева Пезарода (Италия) бўлиб ўтган Жаҳон кубогида бадиий гимнастика бўйича Токиода бўлиб ўтадиган Олимпия ўйинларига Ўзбекистон учун биринчи лицензияни қўлга киритди, дея хабар бермоқда Миллий олимпия қўмитаси.
Барча босқичлар якуни бўйича Ташкенбаева 130 балл жамғаришга муваффақ бўлди. Бу лицензия учун курашаётган спортчилар орасида иккинчи кўрсаткич эди.
Биринчи ўринни Словения гимнастикачиси Екатерина Веденеева (145 очко), учинчи ўринни япониялик аёл Чисаки Оива (118 очко) эгаллади. Учала спортчи ҳам Токио Олимпиадасига йўлланмани қўлга киритишди.
Бу бадиий гимнастика бўйича Токио-2020 Олимпия ўйинларига қўлга киритилган биринчи лицензия ҳисобланади. Олдинда гуруҳ машқи бўйича ўзбекистонлик гимнастикачиларни Тошкентда бўлиб ўтадиган лицензион Осиё чемпионати кутиб турибди.
