18 май куни Олий Мажлис Қонунчилик палатасининг навбатдаги мажлисида депутатлар «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида"ги қонун лойиҳасини биринчи ўқишда кўриб чиқдилар, дея хабар бермоқда Қонунчилик палатаси матбуот хизмати.
Қонун лойиҳаси билан электр двигатели орқали ҳаракатланадиган автомототранспорт воситаларини (электромобиллар) сотиб олиш ва (ёки) Ўзбекистон ҳудудига вақтинчалик олиб кириш учун йиғим тўлашдан озод этилиши назарда тутилмоқда.
Давлат статистика қўмитаси маълумотларига кўра, 2020 йилда Ўзбекистонга қиймати 2,9 миллион доллар бўлган 131 та электр транспорт воситаси импорт қилинган. Жорий йилнинг икки ойи давомида 85 та электромобиль мамлакатга олиб келинган.
Эслатиб ўтамиз, Ўзбекистон электромобиллар ишлаб чиқаришни ўзлаштирмоқчи. Хусусан, аввалроқ «Ўзавтосаноат» 2025 йилга қадар бундай транспорт воситаларини март ойида ишлаб чиқаришни режалаштираётганини эълон қилган эди. Апрель ойида 2021 йилнинг ноябрь ойида «Фарғона» кичик саноат зонасида электр транспорт воситаларини йиғишни бошлаш кутилаётгани ҳақида хабар берилган эди. Ишлаб чиқариш қуввати йилига 30 мингтани ташкил этади.
Шунингдек, 2019 йил май ойида Жанубий Кореянинг Hyundai компанияси Қўқонда электромобиллар ишлаб чиқаришни йўлга қўймоқчи экани, лойиҳа қиймати 300 млн доллар бўлиб, илк электромобилнинг 2023 йилгача ишлаб чиқарилиши кутилаётгани маълум қилинганди.
