Наманган вилояти ҳокими Шавкат Aбдураззоқов Kun.uz нашрига берган интервюсида интернетда ёзиладиган негатив фикр-мулоҳазаларга тўхталиб ўтди.
У контейнерда яшаётган жойда инсонлар Facebook ва интернет нималигини билмаслигини таъкидлади.
«Ўзим ҳам Facebook`ни кузатаман. Ҳар хил фикрлар бор. Уларнинг ичидан олиш мумкин бўлган фикрлар ҳам бор. Негатив фикрлар ҳақида айтадиган бўлсам, мен бу ерга келганимдан бери хулоса чиқардим, кўпчиликдан „Facebook`ни, интернет биласизми?“, деб сўрайман. „Нима у?“, дея жавоб беришади. Демак, бизнинг бу ерларда юришимиз тўғрилигига, Facebook`да „Бу пиар“ деб ёзиладиган изоҳларга эътибор бермасликка қарор қилдим. Бу ерда бирор киши Facebook кўрмас экан, буни ҳақиқий муаммони ичида ўтирган одам ёзмаяпти, уни ташқаридан кимлардир ёзяпти. Булар [шу ердаги одамлар — таҳр.] билан юзма-юз гаплашишим керак экан, деган хулосага келдим», — деди Абдураззоқов.
Ҳокимнинг айтишича, негатив изоҳлар бекорчиликдан келиб чиқади.
«Бекорчиликдан ҳар хил фикр чиқади, иши бор инсон бир кунда 10 марталаб изоҳ ёзмайди-ку, агар фаолияти блогерлик бўлмаса», — дейди Наманган вилояти ҳокими.
