Ўзбекистонда коронавирус инфекцияси эпидемияси бошланганидан буён 1 млн дан зиёдроқ, охирги бир кунда эса 17,6 мингта тест синови ўтказилди. Бу ҳақда Санитария-эпидемиологик осойишталик агентлиги директорининг биринчи ўринбосари Ботиржон Қурбонов душанба куни бўлиб ўтган брифингда маълум қилди.
Эпидемик вазият нохуш бўлган ҳудудлардан келган ва беморлар билан мулоқотда бўлган 59 540 нафар фуқаро саломатлиги устидан тиббий назорат давом этмоқда. Жумладан, уй шароитида — 36 655 нафар фуқаро, стационар шароитда — 22 885 нафар фуқаро карантинга олинган.
Даволанаётган беморларнинг касаллик даражасига кўра ҳолати 3 нафари — ўта оғир, 15 нафари — оғир, 125 нафари — ўрта оғир, 1819 нафари — қониқарли ҳолатда. 68 нафарида пневмония аниқланган.
