22 декабрга ўтар кечаси Олма Ота-Тошкент-Термиз трассасида кўриш даражаси нолга тенг бўлгани сабибли автобус ва бир қанча енгил машиналардан жами 80 киши эвакуация қилинди, деб хабар берди Tengrinews.kz «Казавтожол» матбуот хизматига таянган ҳолда.
«Автомобиллар 593−632- километрда тўпланиб қолди. Йўловчилар бўлган автобуснинг йўлдан чиқиб кетгани ҳам қайд этилди. Жабрланганлар ва ҳалок бўлганлар йўқ. Ҳайдовчи жуда секин ҳаракатлангани боис фожианинг олди олинди», — дея таъкидлади компания.
Автобуснинг 36 нафар, енгил автомобилларнинг 44 нафар йўловчилари энг яқин масофадаги Туркистон вилоятининг Шакпак бобо қишлоғига эвакуация қилинди.
23 декабрь, душанба куни Олма Ота-Тошкент-Термиз автомагистралидаги ҳолат яхшилангани сабабли транспорт ҳаракатига қўйилган чекловлар олиб ташланди.
