Икки вазн тоифасида собиқ UFC чемпиони Конор Макгрегор июль ойида жанг ўтказиш бўйича музокара олиб бораётганини билдирди. Бу ҳақда Olamsport.com хабар берди.
Ирландиялик спортчи айни пайтда UFC раҳбарлари билан музокара олиб боряпти. Режа бўйича у июль ойида октагонга қайтади.
«Ҳозирда биз UFC билан музокара ўтказяпмиз. Шахсан ўзим июль ойида жанг ўтказиш истагидаман. Келинг, музокаралар қандай якунланишини кутамиз. Унгача аниқ бир сана ва рақиб ҳақида маълумот бера олмайман.
Машғулотларни бир кун ҳам қолдирмаяпман. Масалан, бугунги кун кросс, яъни югуриш машғулотига аталди. Ҳатто меҳмонхона спорт залида ҳам шуғулланяпман", — деди Макгрегор.
