Янги йилнинг биринчи куни Ўзбекистонда 1708 бола дунёга келди, дея хабар қилди Соғлиқни сақлаш вазирлиги матбуот хизмати «Газета.uz"га. 2018 йилнинг 1 январида эса бир оз кўпроқ — 1961 гўдак туғилган эди.
Энг кўп Самарқанд ва Фарғона вилоятларида — 204 ва 200 бола туғилган. Сурхондарё вилоятида — 181, Қашқадарё вилоятида — 148, Наманган вилоятида — 147, Андижон вилоятида — 138, Тошкент вилоятида — 134, Бухоро вилоятида — 110 чақалоқ дунёга келди.
Қорақалпоғистонда — 98, Хоразмда — 93, Тошкентда — 91, Жиззах вилоятида — 72, Сирдарёда 56 ва Навоий вилоятида — 36 гўдак дунё юзини кўрди.
