ХХР ташқи ишлар вазири ўринбосари Лэ Юйчэн АҚШдан Huawei молиявий директори Мэн Ваньчжоуни ҳибсга олиш учун ордерни бекор қилишни талаб қилди. У Америка томонининг ҳаракатларини ўта манфур деб атади, дея хабар қилди РИА Новости.
Лэ Юйчэн якшанба куни Американинг Пекиндаги элчисини чақириб, АҚШнинг ҳаракатлари Хитой фуқароларининг қонуний ҳуқуқларини бузаётгани муносабати билан ташқи сиёсат маҳкамаси қатъий норозилигини билдиришини маълум қилди.
Хитой ТИВ раҳбари ўринбосари Хитой томонининг келгусидаги жавоб чоралари АҚШ ҳаракатларига боғлиқ эканини таъкидлади.
Мэн Ваньчжоу — Huawei асосчисининг қизи ва компания бошқаруви раисининг ўринбосари — 1 декабрь куни Канадада қўлга олинган эди. АҚШ уни Американинг Эронга қарши савдо санкцияларини бузишда гумон қилиб экстрадиция қилинишини сўрамоқда.
