Индонезиянинг Жакарта ва Палембанг шаҳарларида Осиё ўйинлари давом этмоқда. Бугун бокс бўйича барча вазн тоифаларида яримфинал баҳслари ўтказилди.
Яримфинал жангларида рингга чиққан ўзбекистонлик боксчиларнинг барчаси эртага ўтказиладиган финал баҳсларига йўлланма олди.
Дастлаб -49кг вазндаги боксчи Ҳасанбой Дўсматов рақибидан устун келган бўлса, кейинчалик навбати билан Жасурбек Латипов (-52кг), Миразизбек Мирзахалилов (-56кг), Шунқор Абдурасулов (-60кг), Иқболжон Холдоров (-64кг), Бобо-Усмон Батуров (-69кг) ва байроқдор боксчи Исроил Мадримов (-75кг) рақибини мағлуб этди.
