23−27 июль кунлари Фарғона водийси дарёлари бўйича гляциал (музли) сел тошқинлари ўтиши мумкин. Ўзгидромет марказининг огоҳлантиришича, бу ҳарорат фонининг юқори бўлиши билан боғлиқ.
Келгуси ҳафтада Ўзбекистон бўйича ҳаво бир оз булутли бўлади, айрим жойларда ўзгариб туради, ёғингарчиликлар кузатилмайди. Шамол шарқдан 7−12 м/с тезликда эсади. Ҳарорат +37…+42 даража атрофида бўлади, жанубий ва чўл ҳудудларида +42…+44 даражага қадар кўтарилади.
Республиканинг тоғли ҳудудларида ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7−12 м/с тезликда эсади. Ҳарорат кечаси +13…+18, кундузи 25−27 июлда − +27…+32 даража бўлади.
