3 октябрь куни соат 18:30 да Ўзбекистон давлат консерваториясининг катта залида франциялик Фабьен Тээриксен дирижёрлигида «Суғдиёна» халқ чолғу асбоблари камер оркестрининг концерти бўлади.
Франциянинг Тошкентдаги элчихонаси лойиҳаси иккита мусиқа анънасининг янгича ҳамкорлик тажрибаси бўлиши керак. Концерт дастури, асосан, халқ чолғу асбоблари оркестри учун махсус мослаштирилган француз классиклари (Рамо, Бизе, Массне, Равел ва Сен-Санс) асарларидан иборат бўлади.
Фабьен Тээриксен Франциядаги Радио Франс филармония оркестри, Тулуза миллий камер оркестри, Лион миллий оркестрини бошқарган ва чет эллардаги (Германия, Польша, Руминия, Венгрия, Россия, Қозоғистон ва Хитой) кўплаб мусиқа лойиҳаларида иштирок этган. Дирижёр композитор ва кўплаб асарлар муаллифидир, у Франция ҳукуматидан буюртмалар олган.
Концертга кириш — бепул. Чипталарни Франциянинг элчихонасидан олиш мумкин. Манзил: Истиқбол кўчаси, 25-уй. Телефонлар: (+99871) 233-53-82, 233-53-84. Электрон почта манзили: culturefranceouzbekistan@gmail.com.
