Фазлиддин Ғойибназаров 20 октябрь куни АҚШнинг Невада штати Лас-Вегас шаҳрида профессионал рингдаги навбатдаги жангини ўтказади. Ўзбекистонлик боксчига асли келиб чиқиши мексикалик, ҳозирда АҚШ шарафини ҳимоя қилаётган Вилберт Лопез рақиблик қилади. Бу ҳақда olamsport.com ашри хабар берди.
Йигирма уч ёшли Лопез профессионал боксдаги фаолиятини 2013 йилнинг 17 май куни бошлаган. Шу кунгача 32та жанг ўтказган бўлиб, уларнинг 23тасида ғалаба қозонган. Ўн бешта жангда рақибларини муддатидан аввал мағлубиятга учратган. Тўққизта жангда мағлубият аламини тотиб кўрган, биттаси нокаут билан. Вилберт чапақай боксчи ҳисобланади. Бу йил ҳисобидан 3 та жанг ўтказиб, уларнинг барчасида зафар қучган.
Фазлиддин Ғойибназаров эса 5 та жангнинг барчасида ғалабага эришган. У ҳозирча сўнггиси бўлиб турган жангини 15 июль куни америкалик Кевин Жонсонга қарши ўтказиб, рақибини 78:74 ҳисобида мағлуб этган эди. Бу билан Фазлиддин рақибига фаолиятидаги илк мағлубиятини тақдим этганди.
