Тошкент вилоятининг Паркент тумани ҳокими этиб Сардор Дадажонович Исакулов тайинланди, дея хабар бермоқда вилоят ҳокимлиги матбуот хизмати.
Исакулов 1986 йилда Тошкент вилоятида туғилган. 2011 йилда Тошкент давлат техника университетини тамомлаган.
У меҳнат фаолиятини 2006 йилда Марказий магистраль электр тармоқлари электроэнергияси узатилишини ҳисоблаш бўлимида электр монтёри вазифасидан бошлаган. Шунингдек, Энергетика вазирлигида масъул вазифаларда ишлаган.
Мазкур лавозимга тайинлангунга қадар 2023 йилнинг июль ойидан буён «Иссиқлик электр станциялари» акциядорлик жамияти бошқарув раисининг ишлаб чиқариш, маҳаллийлаштириш, коперацион алоқаларни кенгайтириш бўйича биринчи ўринбосари лавозимида ишлаб келаётганди.
Исакулов 2021 йилнинг мартидан бери ишлаб келган, 8 апрель куни фаолиятида йўл қўйган бир қатор камчиликлари учун вазифасидан олинган Шоҳруҳ Шоаҳмедовнинг ўрнини эгаллади.
