«Навоийуран» компанияси қора сланецли уран конларини ўзлаштириш учун China Nuclear Uranium (CNUC) компанияси технологияларини жалб қилишни режалаштирмоқда, деб хабар қилди компания матбуот хизмати.
CNUC делегацияси «Навоийуран» ресурс базаси таркибига кирувчи бир қанча уран конларини ўзлаштириш жараёни билан танишди. Хитойлик мутахассислар билан учрашувда қора сланецли уран конларини ўзлаштириш технологиялари ва ҳамкорлик истиқболлари муҳокама қилинди, дейилади хабарда. Қазиб олинган уран рудасидан уран ва ноёб тупроқ металларини олиш учун ушбу конлардан технологик намуналар олинди.
Ўзбекистон 2000 йилларнинг бошидан буён рудадан бошқа металларни қазиб олиш зарурати туфайли катта миқдорда инвестициялар талаб қиладиган қора сланец типидаги уран конларини ўзлаштириш учун хорижий инвесторларни жалб қилишга ҳаракат қилмоқда. «Навоийуран» ресурсларининг муҳим қисмини ўзлаштиришга қулайроқ бўлган қумтош типидаги уран конлари ташкил этади.
Шавкат Мирзиёев 2022 йил июль ойида уран қазиб олиш кўрсаткичларини тасдиқлаган эди, унда уранни 2030 йилда 7100 тоннага (2022 йилга нисбатан икки баравар кўп) ошириш режалаштирилган. МАГАТE маълумотларига кўра, Ўзбекистон уран захиралари бўйича дунёда еттинчи, қазиб олиш бўйича эса бешинчи ўринда туради.
