Сунъий интеллект (СИ) чипларига талаб ортиб бораётгани ва ишлаб чиқаришдаги чекловлар Huawei`ни Mate 60 флагман смартфонларини ишлаб чиқаришни секинлаштиришга мажбур қилди, деб хабар бермоқда Reuters манбаларга таяниб.
Агентликка маълум бўлишича, Хитой компанияси ўзининг Ascend AI чиплари ва рақобатчиси iPhone`га мўлжалланган Kirin чипларини ишлаб чиқариш учун битта корхонадан фойдаланади.
Агентликнинг қайд этишича, Хитой ва АҚШ ўртасидаги технологик қарама-қаршилик фонида сунъий интеллектнинг функционаллиги бўйича глобал пойга, гарчи уч йилдан ортиқ вақт ичида биринчи марта савдоси ошганига қарамай, Huawei`ни телефон ишлаб чиқаришни иккинчи планга ўтказишга мажбур қилган.
2019 йилда АҚШ санкциялари миллий хавфсизлик нуқтаи назаридан компаниянинг чип ишлаб чиқариш технологиясидан фойдаланишни чеклаганди. Бу смартфонлар ишлаб чиқариш ва Хитой бозорига чиплар сотиш жараёнига таъсир кўрсатди, илгари бу бозорнинг 90 фоизини Американинг Nvidia компанияси эгаллаган эди. Натижада чекловлар хитойлик фойдаланувчиларни маҳаллий муқобил вариантларга ўтишга ундади.
Шу муносабат билан Хитой ҳукумати, деб ёзади Reuters, мамлакатнинг ҳисоблаш қуввати соҳасидаги мавқеини яхшилашга чақирди. Маҳаллий ҳукуматлар талабни (жумладан, Huawei Ascend учун) қўллаб-қувватлаган ҳолда, маълумотларни қайта ишлаш тизимини яратиш лойиҳаларини эълон қилди.
Бугунги кунда Huawei Ascend 910B чипи Хитойда мавжуд технологиялар орасида Nvidia билан солиштирганда энг рақобатбардош СИ чипи ҳисобланади.
Агентлик манбаларига кўра, Huawei компанияси Kirin`дан кўра Ascend чипларини ишлаб чиқаришни афзал кўрган, шу сабабли Mate 60 смартфонларини ишлаб чиқаришни секинлаштирган.
Reuters агентлигининг қайд этишича, Huawei чип ишлаб чиқаришда ҳеч қандай амбиция кўрсатмаганди, бироқ ютуқлар компания Mate 60`ни тақдим этганидан сўнг яққол кўзга ташланган — смартфонларда 5G`ни таъминловчи Хитой чиплари борлиги маълум бўлган. Таҳлилчиларнинг фикрича, Huawei бунга Хитойнинг энг йирик чип ишлаб чиқарувчиси бўлган SMIC компаниясининг ноу-хауси эвазига эришган.
