Туркия президенти Ражаб Тоййиб Эрдоған Швециянинг НАТОга қабул қилиниши ҳақидаги протоколни тасдиқлади. Бу ҳақда Anadolu агентлиги хабар қилди.
Венгрия Швециянинг альянсга қўшилиш аризасини ҳали ратификация қилмаган НАТОга аъзо ягона давлат бўлиб қолмоқда. НАТОга аъзо бўлиш учун номзод давлатнинг аризаси альянснинг барча аъзолари томонидан маъқулланиши керак. Бугунги кунда иттифоққа 30 та давлат аъзо.
Швеция Финляндия билан бирга 2022 йилнинг ёзида НАТОга аъзо бўлиш учун ариза топширган. Мамлакатлар бу қарорга Россия қўшинларининг Украинага кенг кўламли бостириб кириши фонида келди.
Финляндия 2023 йил апрель ойида НАТОга аъзо бўлди. Швециянинг НАТОга кириши Туркиянинг уни Курдистон ишчилар партияси (расмий Анқара уни «террорчи ташкилот» деб ҳисоблайди) аъзоларига бошпана берганликда айблаб келгани фонида кечиктирилди.
