11 январь куни куни Афғонистонда содир бўлган ер силкиниши Ўзбекистоннинг қатор вилоятларида сезилди. Бу ҳақда ФВВ Сейсмопрогностик мониторинг республика маркази хабар қилди.
Соат 14:20 да қайд этилган зилзила координаталари: 36,7 градус шимолий кенглик; 70,34 градус шарқий узунлик. Магнитуда М=6. Чуқурлик 180 км. Зилзила эпицентри Тошкентдан 517 км жанубий-шарқда.
Сезилиш кучи:
- Сурхондарё вилоятида 2−3 балл, 279 км.
- Фарғона вилоятида 2 балл, 428 км.
- Жиззах вилоятида 2 балл, 439 км.
- Самарқанд вилоятида 2 балл, 441 км.
- Сирдарё вилоятида 2 балл, 443 км.
- Қашқадарё вилоятида 2 балл, 466 км.
- Андижон вилоятида 2 балл, 486 км.
- Наманган вилоятида 2 балл, 492 км.
- Тошкент шаҳрида 2 балл, 516 км.
- Навоий вилоятида 2 балл, 575 км.
Эслатиб ўтмиз, охирги марта 5 январь куни Наманган вилояти Чортоқ туманида зилзила содир бўлганди. Унинг кучи 2−3 баллни ташкил этган. Декабрь ойи охирида ҳам худди шу вилоятда кучсиз зилзила қайд этилганди.
