Ўзбекистонда октябрь ойида сифатсизлиги аниқланган 6 млн 105 минг литр бензиннинг сотувга чиқарилишини олди олинди, дея хабар қилди Энергетика вазирлиги.
Қайд этилишича, вазирлик ҳузуридаги «Ўзенергоинспекция»нинг назорат-кимё лабораториялари томонидан нефть маҳсулотлари бўйича олиб борилган сифат назорати тадбирлари давомида 91 ҳолатда айрим АЁҚШларда 6 млн 105 минг литр нефть маҳсулотларининг сифатсизлиги аниқланиб, сотувга чиқарилишининг олди олинди.
«Инспекция томонидан аниқланган камчиликлар тезда бартараф этилиши бўйича масъулларга кўрсамалар берилиб, уларнинг бажарилиши назоратга олинди», — дейилади хабарда.
Аввалроқ, тўққиз ой давомида «Ўзэнергоинспекция» томонидан Ўзбекистондаги хусусий ёнилғи қуйиш шохобчаларида ўтказилган текширувлар давомида 9,15 млн литр сифатсиз бензин сотилишининг олди олинганди.
