Азизов Абдулла Абдисаламович Фармацевтика тармоғини ривожлантириш агентлиги директори этиб тайинланди, дея хабар қилди ЎзА.
Тайинловга қадар у «Олмалиқ кон-металлургия комбинати» АЖ бошқаруви раисининг Рақамлаштириш бўйича ўринбосари лавозимида ишлаб келган.
Маълумот учун, Абдулла Азизов 2019 йилнинг сентябрь ойида Ўзбекистон президентининг қарорига биноан Давлат солиқ қўмитаси раиси ўринбосари лавозимига тайинланган. Ундан олдин у Дания қироллигида ахборот-коммуникация технологиялари соҳасида ишлаган.
