Футболчи Жалолиддин Машарипов Греция чемпионати олий лигасидаги «Пансерраикос» футбол клубига ўтди, деб хабар берди клуб матбуот хизмати.
Ўзбекистон терма жамоаси ярим ҳимоячиси жамоа билан бир йиллик шартнома имзолади. Машарипов 10-рақамда тўп суради.
Янги мавсумдаги бешта ўйиндан сўнг Пансеррайкос олти очко билан турнир жадвалида 8-ўринда, биринчи ўринда эса «Олимпиакос» (16 очко) кетмоқда.
Жалолиддин Машарипов 2021—2023 йилларда ҳозирда ҳозирда Португалия терма жамоаси ҳужумчиси Криштиану Роналду ўйнайдиган Саудия Арабистонининг «Ан-Наср» клубида тўп сурган. Ўзбекистонлик футболчи ушбу клубда 68 та ўйинда майдонга тушиб, 5 та гол урди ва 17 та голли узатмани амалга оширди. Август ойида томонлар шартномани бекор қилишга қарор қилди, шундан сўнг футболчи эркин агентга айланди.
Бунгача у Тошкентнинг «Пахтакор» ва «Локомотив» клубларида жами 200 дан ортиқ ўйин ўтказиб, 42 та гол урган, 60 та голга ассистентлик қилган ва 5 марта Ўзбекистон чемпионлиги ҳамда 2 марта Ўзбекистон кубогини қўлга киритган.
2020 йилда у Осиё чемпионлар лигасининг энг яхши ярим ҳимоячиси, шунингдек, Ўзбекистоннинг энг яхши футболчиси сифатида эътироф этилди.
У 2016 йилдан буён Ўзбекистон миллий терма жамоаси сафида 52 та ўйин ўтказиб, 12 та гол урган.
