Россиялик рэпер Алишер Моргенштерн 8 сентябрь куни «Чёрний русский» қўшиғи учун ишланган клипни тақдим этди, у YouTube`да 18 соат ичида 2,5 млн марта кўрилди.
Июнь ойида хонанда суратга олиш ишлари учун Ўзбекистонга учиб келган. Видеони яратишда титрларда кўрсатиб ўтилган Бекзод Абдувалиев бошчилигидаги Abstract Visuals видеостудияси иштирок этди. Съёмка ишлари Romanov Production билан биргаликда олиб борилди, у Егор Крид, Мот, Даня Милохин, Ольга Бузова каби қўшиқчилар учун видеоларни суратга олади.
Клип собиқ «Чирчикстрой» меҳмонхонаси, «Физика-Қуёш» институти ҳудудида ва Тошкент вилоятининг тоғли ҳудудларида суратга олинган. Моргенштерннинг айтишича, суратга олиш жараёнида 150 киши қатнашган.
Моргенштерн «Физика-Қуёш» институти ичидаги «Оқ ой» қандилининг фонида. Фото: видеодан кадр ва Uz24.uz.
Собиқ «Чирчикстрой» меҳмонхонаси биноси. Фото: Ольга Казакова / Alerte Héritage.
Ўзбекистон тоғлари, у ерда ҳам суратга олиш ишлари кечган.
