Ўзбекистонлик гимнастикачи Оксана Чусовитина 13,067 балл тўплаган ҳолда Мерсин шаҳрида (Туркия) бўлиб ўтган World Challenge Cup series туркумига кирувчи таяниб сакраш бўйича олтин медални қўлга киритди. Бу ҳақда Миллий олимпия қўмитаси матбуот хизмати хабар берди.
Иккинчи ва учинчи ўринларни Туркия спортчилари Бенгиси Йилдиз (12,950) ва Чорен Бинер (12,950) эгаллади.
Эркаклар ўртасидаги таяниб сакраш дастурида ўзбекистонлик спортчи Абдулазиз Мирвалиев 14,475 балл билан кумуш медални қўлга киритди.
Биринчи ўринни украиналик гимнастикачи Назар Чепурний эгаллади — 14,900 балл, учинчи ўрин украиналик Игор Радивиловга насиб этди — 14,450 балл.
