Келгуси йилдан бошлаб Қозоғистоннинг барча олий ўқув юртлари талабалари сунъий интеллектни ўрганиш бўйича курсдан ўтади. Бу ҳақда мамлакат фан ва олий таълим вазири Саясат Нурбек маълум қилди, дея хабар бермоқда Tengrinews.kz.
«Интеллектуал интеллектни ўзлаштирган мутахассисларга талаб бўлади, ўзлаштирмаганлар эса ишидан айрилади…Кейинги ой охирида Нью-Йоркда шартнома имзолаймиз, кейинги ўқув йилидан, эҳтимол, кейинги календарь йилида эса бу ишни якунласак, барча ўқув дастурларида барча талабалар сунъий интеллект бўйича курсда қатнашиши керак бўлади», — деди вазир инсон капиталини ривожлантиришга бағишланган форумда (Tengrinews.kz иқтибоси).
Унинг таъкидлашича, вазирлик курсни мажбурий фанга айлантиришни режалаштирмоқда, шунда «якунида барча талабалар сунъий интеллект соҳасида асосий компетенцияларга эга бўладилар».
Вазирнинг қўшимча қилишича, «бу инновацион курс бўлади», чунки ҳозиргача дунёнинг ҳеч бир университетида бундай фан ўргатилмаган.
Қозоғистондаги ҳарбий қисмларда ҳам сунъий интеллект технологияларини жорий этиш режалаштирилмоқда. Хусусан, Мудофаа вазирлиги ҳарбийлар ўртасида «дедовшина» ҳолатларини аниқлаш ва йўқ қилиш учун видеокузатув тизимидаги Face ID функциясидан фойдаланиш ниятида.
