Veolia Energy Tashkent компанияси 21−26 август кунлари ИМ-2 қозонхонасида таъмирлаш ишлари олиб борилиши сабабли иссиқ сув ўчирилишини маълум қилди.
Иситиш мавсумига тайёргарлик доирасида зулфинларни алмаштириш, 2-ИМнинг иккиламчи электр таъминоти тизимини текшириш ва созлаш, жиҳозларни демонтаж қилиш ва ўрнатиш, шунингдек, қозонхонага туташ магистраль тармоқлардаги ишларни амалга оширади.
«Кўп ишларни қозонхонани ўчирмасдан туриб амалга ошириш мумкин эмас», — деб таъкидлади компания.
Шу сабабли Мирзо Улуғбек туманининг Қорасув 1, 2, 3, 4, 6, 2-Бўз ва Феруза даҳаларида, Дўрмон йўли, Мингбулоқ, Темур Малик, Сўфизода, Мирзо Улуғбек ва Шўртепа кўчаларида иссиқ сув таъминоти бўлмайди.
Иссиқ сув таъминоти 26 август куни тушгача тикланиши айтилди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Маълумот учун, 2-иссиқлик маркази июль ва август ойларида иссиқ сувни 5 кунга режали тўхтатиш жадвалидан жой олмаганди.
