Бухоро вилоятида соф қуйма олтин бўлаклари муомалага киритилишининг олди олинди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти матбуот хизмати.
Шофиркон туманида фуқаролар Ж.Р., Ж.Н. ва Ф.Ў. жами 437,3 грамм бўлган 4 дона соф қуйма олтин бўлагини 7 минг доллар ва 300 млн сўмга сотган вақтда ашёвий далиллар билан ушланган.
Ҳолат юзасидан Жиноят кодексининг 177-моддаси (Валюта қимматликларини қонунга хилоф равишда олиш ёки ўтказиш) билан жиноят иши қўзғатилган. Тергов ҳаракатлари ўтказилмоқда.
Аввалроқ Наманганнинг Давлатобод туманида соф қуйма олтинларни 20 минг долларга сотаётган икки шахс ушланганди. Экспертиза хулосасига кўра, олтин 222,8 млн сўмга баҳоланган.
