Наманган вилояти Давлатобод туманида соф қуйма олтин сотаётган шахслар ушланди, дея хабар бермоқда Иқтисодий жиноятларга қарши курашиш департамент матбуот хизмати.
Департамент ҳамда ДХХнинг вилоят бошқармалари томонидан ўтказилган тезкор тадбирда Давлатобод туманида яшовчи Б.С. ва Н.К. 3 дона олтинга ўхшаш сариқ рангли қуйма металлни фуқаро Э.А.га 20 минг долларга сотган вақтида ашёвий далиллар билан ушланган.
Экспертиза хулосасига кўра, 3 дона сариқ рангли металл умумий вазни 298,43 грамм бўлган «992» пробали соф олтин экани қайд этилиб, 222,8 млн сўмга баҳоланган.
Ҳолат юзасидан Жиноят кодексининг 177-моддаси (Валюта қимматликларини қонунга хилоф равишда олиш ёки ўтказиш) билан жиноят иши қўзғатилиган. Ҳозирда тергов ҳаракатлари ўтказилмоқда.
