Ўзбекистон президенти Шавкат Мирзиёев 2 август куни Тошкент вилоятида ўтказилган видеоселектор йиғилишида вилоятнинг бир қатор мансабдор шахсларини лавозимидан озод қилиш бўйича кўрсатмалар берди. Бу ҳақда давлат раҳбари мабтуот котиби Шерзод Асадов маълум қилди.
Хусусан, Шавкат Мирзиёев Тошкент вилояти ҳокимининг иқтисодиёт, молия ва камбағалликни қисқартириш масалалари бўйича биринчи ўринбосари Музаффар Файзиевни (2020 йил ноябрь ойидан буён ушбу лавозимда ишлаб келаётган), шунингдек, Қибрай тумани ҳокими Мирағзам Мирқосимовни (2018 йил август ойидан бери) ва Янгийўл тумани ҳокими Улуғбек Ялгашев (2020 йил февралдан). Улар билан биргаликда мазкур туманлардаги сектор раҳбарлари (ИИБ, солиқ хизмати ва прокурорлар) ўз лавозимларини тарк этишмоқда.
Бунга вилоятда мансабдор шахсларнинг камчиликларга йўл қўйгани, ишларни лозим даражада ташкил қилмагани сабаб қилиб кўрсатилди.
Шунингдек, вилоят ҳокимининг саноат ва инвестицияларга масъул ўринбосари Нажмиддинхўжа Шарипов, қурилишга масъул ўринбосари Шукурулла Маҳмудовга ҳайфсан эълон қилишга кўрсатма берилди.
