Расул Кушербаев душанба куни ўз хоҳиши билан ЎзЛиДеП партияси сафидан чиқиш қарорини маълум қилди.
У партияга ўзи учун яратилган имкониятлар учун миннатдорчилик билдирди ва унинг кетиши сиёсий унинг бошқа аъзолари билан муносабатларига таъсир қилмаслигига умид билдирди.
Расул Кушербаев «Газета.uz»га берган интервьюсида нима учун бундай қарорга келгани ҳақида қисқача гапириб берди.
«Анчадан бери партиядан кетиш ҳақида ўйлардим, — деди у. — У ерда ўз ўрнимни кўрмай қўйдим. Шунинг учун кетишга қарор қилдим».
«Келажакдаги режалар ҳақида кейинроқ айтиб бераман, ҳозир эмас. Ҳозирда бирон бир партияга қўшилиш борасида аниқ режаларим йўқ. Вақт кўрсатади», — дея қўшимча қилди у.
2022 йил декабрида Расул Кушербаев Олий Мажлис Қонунчилик палатаси депутати сифатидаги фаолиятини муддатидан аввал тугатиш тўғрисида қарор қабул қилиб, партия аъзолигида қолишини билдирган эди.
Февралда эса унинг Ўзбекистон экология, атроф-муҳитни муҳофаза қилиш ва иқлим ўзгариши вазири маслаҳатчиси этиб тайинлангани маълум бўлди.
Расул Кушербаев 1987 йилда Тошкент вилоятининг Янгийўл туманида туғилган. У, бошқалардан фарқли равишда, Қонунчилик палатасининг ҳукумат ва ҳокимлар қарорларини мунтазам шарҳлаб турувчи, журналист ва блогерларни ҳимоя қилиб, ҳокимлар сайлови, монополияга қарши курашиш ва бошқа муҳим масалаларни ҳимоя қилган энг машҳур депутати сифатида ёдда қолди.
