2023 йиль июнь ойида Ўзбекистонда 0,3 фоизлик дефляция қайд этилди. Бу ҳақда президент ҳузуридаги Статистика агентлиги ҳисоботида маълумот берилди.
Агентлик маълумотларига кўра, истеъмол нархлари индексининг пасайишига ўтган ой давомида ўртача 1,1 фоизга арзонлашган озиқ-овқат маҳсулотлари, ноозиқ-овқат маҳсулотлари эса 0,4 фоизга, хизматлар эса 0,2 фоизга қимматлашгани сабаб бўлган.
Йил бошидан буён (январь-июнь ойларида) инфляция 3,45 фоизгача пасайди. Йиллик инфляция 9,03 фоизгача тушди, бу 2016 йил августидан буён энг паст (8,6%) кўрсаткич ҳисобланади. Йил давомида озиқ-овқат маҳсулотлари ўртача 10,5 фоизга, ноозиқ-овқат маҳсулотлари 7,9 фоизга, хизматлар 8 фоизга қимматлашди.
Июнь ойида алоҳида маҳсулотлар контекстида гуруч ва гуруч оқшоғи 2,8 фоизга (йиллик ҳисобда ўтган йилнинг июнига нисбатан 51,4 фоиз), суякли мол гўшти 1,2 фоизга (13,8 фоиз), қўй гўшти 1,1 фоизга (13,4 фоиз), сут 0,7 фоизга (18,3 фоиз) кўтарилди.
Ун 2 фоизга (йил давомида 2,8 фоиз), тухум 3,7 фоизга (йил давомида 11 фоиз), кунгабоқар ёғи 3 фоизга (-14,7 фоиз), шакар 1,8 фоизга (+13,4 фоиз) арзонлашди.
Мева ва сабзавотлар орасида лимон нархи июнда 23,5 фоиз, нок — 2,1 фоизга, ловия — 1,4 фоизга ошган. Бир ой давомида булғор қалампири 47,3 фоизга, бақлажон — 46,3 фоизга, помидор — 42,3 фоизга, бодринг — 39,2 фоизга арзонлашди. Аммо йиллик ҳисобда помидор 49,6 фоизга, пиёз — 34,1 фоизга, сабзи — 20,9 фоизга қимматлашган.
Алкоголли ичимликлар 2,2 фоизга (йил давомида 12,5 фоиз), тамаки маҳсулотлари 0,9 фоизга қимматлашди.
Ўтган ойда кинотеатр хизматлари (+4,8 фоиз), байрам тадбирларини ташкил этиш ва ўтказиш билан боғлиқ хизматлар, шунингдек, парк хизматлари (+2,7 фоиз) нархларининг ўсиши кузатилди.
Июнь ойида умумий овқатланиш хизматлари барча ҳудудларда қимматлашди. Ой давомида ушбу соҳада инфляция 3,4 фоизни ташкил этди.
Ўзбекистоннинг бешта вилоятида меҳмонхона хизматлари нархи ошди (1,2−9 фоиз оралиғида), дам олиш марказларида нархлар барқарорлиги сақланиб қолди, дея хабар бермоқда Статистика агентлиги.
Барча ҳудудларда бензин нархи ўртача 2,2 фоизга кўтарилди.
Нархлар пасайганига қарамай, мамлакатда палов индекси ўсиб бормоқда. Хусусан, бир порция палов нархи Сурхондарё вилоятида 4,2 фоизга, Тошкент шаҳрида 3,9 фоизга ошган. Йил давомида палов Сирдарёда 34 фоизга, Наманганда 32 фоизга, Сурхондарёда 27 фоизга қимматлашган.
