Тошкент шаҳри Мирзо Улуғбек туманида кўп қаватли уйлардан бирининг йўлагида катта ёшли эркак 7 ёшли қизга уятсиз ҳаракатлар қилди. Бу ҳақда зўравонликка қарши Sukut Saqlama (NeMolchi.uz) лойиҳаси маълум қилди.
Хабарда қайд этилишича, 7 июнь соат 17:00 да Мирзо Улуғбек туманида (Мусаввирлар бекати) бегона эркак 7 яшар қиз орқасидан подъездга киради. Ўша уйда турадиган қиз шу уйнинг 1-қаватида турадиган дугонасининг олдига келади.
Эркак қизни қўрқитиб, рўпарадаги эшик олдига олиб бориб (кўча эшигидан биров кўриб қолмаслиги учун), қизни ўпиб, интим жойларини ушлайди ва бошқа уятсиз ҳатти-ҳаракатлар қилади. Эркакни очилган эшик уни қўрқитиб юборади ва жойни тарк этади. Вазиятдан хабар топган жабрланувчининг ота-онаси дарҳол ички ишлар органларига мурожаат қилади.
Тошкент шаҳар ИИББ маълум қилишича, гумонланувчи эркак 55 ёшда ва у ушланган. Ҳолат юзасидан Мирзо Улуғбек тумани ИИО ФМБ ҳузуридаги Тергов бўлими томонидан Жиноят кодексининг 119-моддаси (Жинсий эҳтиёжни зўрлик ишлатиб ғайритабиий усулда қондириш) билан жиноят иши қўзғатилган. Гумонланувчига нисбатан қамоқ эҳтиёт чораси қўлланган. Тергов давом бошланган.
