7 июнь куни Uzbekistan Airways авиакомпаниясининг Москва — Наманган йўналиши бўйича HY9620 рейсини амалга ошираётган самолёти Тошкентга фавқулодда қўнди, дея хабар бермоқда Uzbekistan Airports матбуот хизмати.

Бортида 171 йўловчи бўлган самолёт маҳаллий вақт билан соат 14:42 да Тошкент халқаро аеропортига келиб қўнган. Бунга сабаб туғруқ бошланган ҳомиладор йўловчи бўлган. Экипаж самолётни энг яқин аеропортга қўндиришга қарор қилган.

Аеропортга қўнгач, йўловчи тез ёрдам машинасида олиб кетилган ва малакали ёрдам кўрсатиш учун тиббий муассасасига ётқизилган.