UzAuto Motors конвейердан апрель ойида жами 22 мингта Cobalt, Lacetti (Gentra), Damas ва Nexia-3 чиққан. Бу ҳақда Статистика агентлиги маълум қилди.

2023 йилнинг апрель ойида ишлаб чиқарилган енгил автомобиллар сони:

  • Cobalt — 9 965 дона;
  • Lacetti-Gentra — 9 531 дона;
  • Onix — 2 545 дона;
  • Damas — 2 197 дона;
  • Tracker — 1 958 дона;
  • Nexia (3) T-250 — 142 дона;
  • Махсус енгил автомобиллар — 985 дона.

Бироқ ўтган ойда ишлаб чиқарилган автомобиллардан фақат Onix ва Tracker сотувда мавжуд. Бу икки автомобилга 25 май кунига келиб шартнома бериш бошланди.

Damas ва Labo автомобилларини харид қилиш бўйича шартномалар бериш 2022 йил 16 декабрь куни тўхтатилди. Lacetti ва Cobalt автомобилларига эса аризалар қабул қилиш 8 декабрь куни тўхтатган эди.

Асакада Spark ўрнини босувчи янгиланган Tracker кроссоверининг оммавий ишлаб чиқарилиши 2022 йил июлида, Onix седанининг (Nexia муқобили) серияли ишлаб чиқарилиши 2023 йилнинг февраль ойида бошланганди.

Ҳозирда сотувда Tahoe-2 (1 109 274 880 сўмдан), Traverse (734 530 720 сўмдан), Equinox (472 500 000 сўмдан), Malibu-2 (419 000 960 сўмдан), Tracker-2 (211 454 880 сўмдан), Onix (207 347 000 сўмдан) мавжуд.