Тошкентда ўтаётган бокс бўйича эркаклар ўртасидаги жаҳон чемпионатида ўзбекистонлик спортчилар икки кун ичида яна 9 та ғалабага эришди, бир марта мағлубиятга учради. Бу ҳақда бокс федерацияси матбуот хизмати хабар бермоқда.
8 май
-54 кг вазн тоифасида Ойбек Жўраев илк жангида сербиялик Тамир Галановни (5:0) мағлуб этиб, жаҳон чемпионатининг кейинги босқичига йўл олди.
Лазизхон Мулложонов (-92 кг) грузиялик Георгий Тчиладзега ҳеч қандай имконият қолдирмади, якунда уни 5:0 ҳисобида мағлубиятга учратди.
-60 кг вазн тоифасида жанг қилаётган Мужибилло Турсунов ҳам учинчи жангини муваффақиятли якунлаб, марокашлик Моҳамед Хамутни мағлубиятга учратди (5:0) ва чорак финал йўлланмасини қўлга киритди.
Қозоғистонлик Сағиндиқ Тоғамбойга қарши рингга кўтарилган андижонлик боксчилардан бири Шоҳжахон Абдуллаев (-86 кг) рақибини 5:0 ҳисобида ютиб, чорак финал йўлланмасига эга чиқди.
Энг енгил 48 кг вазн тоифасида иштирок этаётган Шодиёржон Мелиқўзиев қозоғистонлик Санжар Ташкенбайга имкониятни бой бериб қўйди.
9 май
-75 кг вазн тоифасида Алохон Абдуллаев сербиялик Алмир Мемични мағлуб этиб, чорак финалга йўл олди.
Rio-2016 олимпия чемпиони Хасанбой Дўсматов (-51 кг) кубалик рақиби Эрислан Ромерони 5:0 ҳисобида мағлуб этди. Бу кубаликларнинг турнирдаги илк мағлубияти бўлди.
Бир кун аввал сербиялик боксчини мағлуб этган Ойбек Жўраев ушбу даврада албаниялик Ариол Зенели устидан 5:0 ҳисобда ғалаба қозонди.
Фарғоналик боксчи Асадхўжа Муйдинхўжаев (-67 кг) беларуслик спортчи Кирилл Самодуровни (5:0) мағлуб этди.
-71 кг вазн тоифасидаги Саижмашид Жафаров жангсиз чемпионатнинг кейинги босқичига йўл олди. Пуэрто-риколик Габриель Ланос жароҳати туфайли рингга чиқа олмади.
10 май куни ярим финал йўлланмалари ўйналади.
Ўзбекистон терма жамоасининг 11 нафар чарм қўлқоп усталари чорак финалга чиқди:
-51 кг: Ҳасанбой Дўсматов — Томоя Цубои (Япония) (Дўсматов чорак финалда япониялик рақибга қарши рингга кўтарилди ва 4:3 ҳисобида ғалабага эришди ва ярим финалга йўл олди);
-57 кг: Абдумалик Халоқов — Ишиш Юсуф (Иордания);
-63,5 кг: Руслан Абдуллаев — Лоунес Хамраоуи (Франция) (А ринг, 15:10 дан кейин);
-71 кг: Саиджамшид Жафаров — Игор Свиридченков (Россия) (Б ринг, 15:25 дан кейин);
-92 кг: Лазизбек Муллохонов — Сезар Ла Круз (Куба) (А ринг, 16:25 дан кейин);
-54 кг: Ойбек Жураев — Габриель Эскобар (Испания) (Б ринг, 18:40 дан кейин);
-60 кг: Мужибилло Турсунов — Всеволод Шумков (Россия) (Б ринг, 18:55 дан кейин);
-67 кг: Асадхужа Мўйдинхўжаев — Рониел Иглециас (Куба) (Б ринг, 19:25 дан кейин);
-75 кг: Алохон Абдуллаев — Филипп Ақилов (Венгрия) (Б ринг, 19:55 дан кейин);
-86 кг: Шоҳжахон Абдуллаев — Альфонсо Домингес (Озарбайжон) (А ринг, 20:25 дан кейин);
+92 кг: Баҳодир Жалолов — Қамшибек Конкабоев (Қозоғистон) (Б ринг, 21:10 дан кейин).
